Yma yn DEG, rydym yn frwd dros helpu pobl i drosglwyddo i gartrefi iach, wedi’u datgarboneiddio, sy’n rhatach i’w cadw ar dymheredd cyfforddus – cartrefi clyd. Mae hyn o fudd i bawb (ar wahân i gyfranddalwyr cwmnïau ynni!) ac mae’n well i’r blaned.
Fel rhan o Wasanaeth Ynni DEG, gall ein haseswyr ynni ymweld â’ch cartref (neu adeilad dibreswyl) a rhoi asesiad ynni manwl i chi, gyda chyngor ar yr holl ffyrdd y gallwch arbed arian ar eich biliau ynni a lleihau eich ôl troed carbon. Mae’r rhain yn dechrau gyda mesurau bach, rhad neu di-dal, yr holl ffordd at rai mawr fel gwella eich inswleiddiad neu osod paneli solar neu bympiau gwres. Nid oes unrhyw un yn ein talu i werthu eu cynnyrch, felly gallwn gynnig cyngor gonest, annibynnol sy’n addas i chi a’ch cartref.
Pam fod hyn yn bwysig?
Mae gan Cymru rai o’r eiddo wedi’u hinswleiddio gwaethaf yn Ewrop, gyda dim ond 7% o gartrefi y DU wedi’u hadeiladu ar ôl 2001, ac yma yng Ngogledd-orllewin Cymru mae gennym y canran uchaf o gartrefi wedi eu hadeiladu cyn 1919 yng Ngorllewin Ewrop.
Yn ogystal â rhai o’r cyflogau cymedrig isaf yn y DU, ni hefyd sy’n talu’r prisiau uchaf am ein trydan a rhai o’r prisiau uchaf am danwydd nwy a gwresogi – y gaeaf diwethaf, clywodd Sefydliad Bevan fod 39% o bobl Cymru wedi gorfod torri’n ôl ar wres oherwydd cost.
Rwyf aml yn clywed “gwresogwch y person, nid y tŷ” fel ffordd o arbed ynni a lleihau ein biliau tanwydd, ond yn anffodus mae angen i lawer o hen dai Cymru aros wedi’u gwresogi a’u hawyru er mwyn atal llwydni rhag tyfu. Mae difrifoldeb cartrefi sydd wedi llwydo wedi dod yn fwy adnabyddus yn ddiweddar: gall dod i gysylltiad â llwydni achosi amrywiaeth o faterion iechyd, gan waethygu problemau anadlol fel asthma ac alergeddau.
Sut allwn ni helpu?
Mae Cartrefi Clyd, prosiect yr ydym yn partneru arno, yn darparu gwasanaeth cymorthdaledig sy’n helpu i leihau’r gost o ôl-osod eich cartref. Mae ôl-osod yn golygu gwneud gwelliannau i’ch cartref i’w wneud yn fwy clyd (er enghraifft, inswleiddio, awyru, neu newidiadau i ffenestri). Darllenwch mwy yma: www.cartreficlyd.cymru
Rydym hefyd yn darparu amrywiaeth o wasanaethau a chyngor am ddim; os ydych eisiau gwybod pa gymorth ariannol gallwch ei gael, eisiau dysgu mwy am wneud eich cartref yn fwy effeithlon, neu ddim ond eisiau siarad â rhywun am eich biliau ynni – gallwch ddod o hyd i Swyddogion Ynni DEG yn Porthi Dre dros y misoedd nesaf – Mehefin 25, Gorffennaf 30, Awst 27, Medi 24, Hydred 29, Tachwedd 26.
Dewch draw am sgwrs a phanad, a chymerwch becyn arbed ynni a bwlb LED am ddim adref gyda chi. Rydym hefyd yn gwneud asesu ar adeiladau fel tafarndai cymunedol a neuaddau chwaraeon – cysylltwch hefo ni i ddysgu mwy! Ebost: ynni@deg.cymru / ffonio 07495237679.